Չեխիայի ԱԳՆ-ում հայտնել են, որ նախարար Յակուբ Կուլհանեկը ՆԱՏՕ-ին ապացույցներ է փոխանցել 2014-ին Չեխիայի զինապահեստներից մեկում տեղի ունեցած պայթյունին ռուսական հատուկ ծառայությունների մասնակցության վերաբերյալ: Այս մասին հայտնում է «Известия» թերթը:
«ՆԱՏՕ-ի մեր բոլոր գործընկերները դատապարտում են ՌԴ-ի պահվածքը Չեխիայի Հանրապետության նկատմամբ և աջակցում մեր քայլերին, որոնք արվել են մինչ օրս: Սա փաստում է այն մասին, որ ճգնաժամի դեպքում մենք ունենք դաշնակիցներ, որոնց վրա կարող ենք հույս դնել»,- ասել է Չեխիայի ԱԳՆ ղեկավարը:
Նշենք, որ դեռևս տեղեկություններ չեն հրապարկվել, թե խոսքն ինչ ապացույցների մասին է: