Երևանի թիվ 49 հիմնական դպրոցը կանվանակոչվի քանդակագործ-մոնումենտալիստ Արա Հարությունյանի անունով:
Ավագանու նիստում նախագիծը ներկայացրեց Երևանի քաղաքապետարանի աշխատակազմի Հանրակրթության վարչության պետի պաշտոնակատար Կարեն Սարգսյանը:
«Երևան քաղաքի Էրեբունի վարչական շրջանի թիվ 49 հիմնական դպրոցն ականավոր քանդակագործ-մոնումենտալիստ Արա Հարությունյանի անվամբ անվանակոչելու վերաբերյալ միջնորդություն է ներկայացվել նրա դստեր՝ Սուսաննա Հարությունյանի կողմից»,- ասաց Սարգսյանը։
Որոշումն ընդունվեց միաձայն: