ՀՀ ԿԳՄՍ նախարարի տեղակալ Ժաննա Անդրեասյանը ֆեյսբուքյան իր էջում գրել է․ «Այսօր կառավարությունը հաստատել է նախադպրոցական կրթության ոլորտում համընդհանուր ներառական կրթության համակարգը ներդնելու գործողությունների պլանը և ժամանակացույցը։
Այս տարի կմշակվի նախադպրոցական տարիքի կրթության և զարգացման առաձնահատուկ պայմանների կարիք ունեցող երեխաների գնահատման գործիքակազմը. մանկավարժահոգեբանական աջակցության ծառայությունների տրամադրման կարգը, մանկավարժահոգեբանական գնահատման չափանիշները, անհատական թղթապանակը, անհատական ուսուցման և զարգացման պլանը։
Կմշակվեն նախադպրոցական ուսումնական հաստատությունների մանկավարժների վերապատրաստման մոդուլները, կվերապատրաստվեն տարածքային կենտրոնների մասնագետները։
Կանցկացվեն իրազեկման արշավներ։
Ներառման գործընթացը կիրականացվի փուլային սկզբունքով՝ յուրաքանչյուր փուլի համար առանձնացված մարզերով»։