Պաշտոնական Մինսկը լիովին աջակցում է Ղարաբաղում մարտական գործողությունների լիակատար դադարեցման մասին ձեռք բերված համաձայնություններին, հայտարարել է Բելառուսի նախագահ Ալեքսանդր Լուկաշենկոն:
«Մենք անկեղծորեն ողջունում ենք Լեռնային Ղարաբաղի հակամարտության գոտում ռազմական գործողությունների լիակատար դադարեցման մասին պայմանավորվածությունները։ Դա կարևոր քաղաքական որոշում է, որը պետք է դառնա տարածաշրջանում կայուն խաղաղության հիմքը»,- ասել է Լուկաշենկոն՝ Ադրբեջանի նախագահ Իլհամ Ալիևի հետ բանակցություններից հետո, հաղորդում է БЕЛТА գործակալությունը:
Բացի այդ, Բելառուսի նախագահն ընդգծել է, որ ադրբեջանա-բելառուսական հարաբերություններն անցել են երկկողմ տնտեսական համագործակցության նոր մակարդակի: