Եվրոխորհրդարանի պատգամավոր, Եվրոխորհրդարանում ԵՄ-Հայաստան բարեկամության խմբի ղեկավար Լուկաս Ֆուրլասն ապրիլի 12-ին նախաձեռնել է առցանց քննարկում Ադրբեջանից հայ գերիների անհապաղ ազատ արձակման և վերադարձի թեմաներով:
«Ադրբեջանում հայ գերիների և ռազմագերիների հարցը մնում է ամենահրատապ և ամենասուր մարդասիրական հարցերից մեկը ու պետք է մտահոգի մեզ բոլորիս»,- նշել է Ֆուրլասը:
«Ադրբեջանում հայ գերիների ճակատագիրը» խորագրով քննարկմանը մասնակցելու է նաև Եվրոխորհրդարանում Հարավային Կովկասի հետ հարաբերությունների հարցերով պատվիրակության ղեկավար Մարինա Կալյուրանդը, ՀՀ մարդու իրավունքների պաշտպան Արման Թաթոյանը, Հայ դատի Եվրոպայի գրասենյակի գործադիր տնօրեն Հեղինե Էվինյանը, ինչպես նաև Ադրբեջանից վերադարձած ռազմագերի։