ԱՄՆ պատվիրակությունը՝ Կիևում ռազմական կցորդ Բրիթանի Սթյուարթի գլխավորությամբ, այցելել է Դոնբաս և ծանոթացել իրավիճակին, հայտնել է Ուկրաինայի միացյալ ուժերի գործողության շտաբի մամուլի կենտրոնը:
Կենտրոնի տվյալներով՝ ԱՄՆ-ի ներկայացուցիչներն ուկրաինացի զինվորականների ստորաբաժանումներ են այցելել, որոնք առաջադրանքներ են կատարում շփման գծում:
«ԱՄՆ-ի կառավարությունը խորապես մտահոգված է Ուկրաինայի սահմանների շուրջ ստեղծված իրավիճակով և ամեն կերպ աջակցում է Ուկրաինայի ինքնիշխանությանն ու տարածքային ամբողջականությանը»,- ասել է Սթյուարթը: