Ռուսաստանի ԱԳ նախարար Սերգեյ Լավրովն ԱՄՆ-ին և նրա դաշնակիցներին համարում է անվստահելի գործընկերներ:
Նախարարը շեշտել է, որ Ռուսաստանը պետք է հույսը դնի իր վրա: «Եվ պետության կենսապահովման համար առանցքային ոլորտներում մենք չենք կարող հույս դնել ԱՄՆ-ի և նրա դաշնակիցների վրա»,- ասել է դիվանագետը՝ ապրիլի 8-ին Ղազախստանում կայացած բանակցությունների արդյունքներով մամուլի ասուլիսի ժամանակ:
Ավելի վաղ հայտնի էր դարձել, որ Վաշինգթոնը մտադիր է «պատասխան քայլեր» ձեռնարկել ԱՄՆ-ի պետական հաստատությունների վրա «ռուս հաքերների գրոհի» համար և «պատժել» Ռուսաստանին նախագահական ընտրություններին միջամտելու համար: Բացի դիվանագետների արտաքսումից, պատասխան միջոցները կարող են ներառել նոր պատժամիջոցներ։