Հարցազրույցներ

Ինչպես արդեն հայտնել ենք, ՀՀ վարչապետ Նիկոլ Փաշինյանը հարցազրույց է տվել ռուսական РИА Новости գործակալությանը:
     «ՀՀ զինված ուժերի՝ ժամանակակից ռազմատեխնիկական միջոցներով համալրման գործընթացը եղել է և կլինի մեր առաջնահերթություններից մեկը, և այդ խնդիրը մշտապես ուշադրության կենտրոնում կլինի»,- նշել է Փաշինյանը:
     Նրա խոսքով՝ Հայաստանի զինված ուժերում մեկնարկել են լայնածավալ բարեփոխումներ, «որոնք նույնպես իրականացվում են մեր ռուս գործընկերների հետ սերտ համագործակցությամբ»:
     «Զինված ուժերում մենք արդեն սկսել ենք լայնածավալ բարեփոխումները՝ բնականաբար, հաշվի առնելով ռազմական և ռազմատեխնիկական գործընկերության ոլորտում ՌԴ-ի հետ մեր սերտ դաշնակցային և գործընկերային հարաբերությունները, համապատասխան խորհրդակցություններ են ընթանում: Իսկ փորձագետների մակարդակով անհրաժեշտ շփումներն արդեն հաստատվել են»,- ասել է Փաշինյանը: