Մարտի 18-ին ԱՄՆ նախագահ Ջո Բայդենը հանդիպում է ունեցել ՄԱԿ-ի Անվտանգության խորհրդի անդամ երկրների մշտական ներկայացուցիչների հետ: Հանդիպումը կայացել է առցանց ձևաչափով։ Այս մասին հայտնել են Սպիտակ տան մամուլի ծառայությունից։
Ինչպես նշվում է հայտարարության մեջ, նիստի ընթացքում ԱՄՆ նախագահը կոչ է արել միջոցներ ձեռնարկել Եմենի, Սիրիայի, Լիբիայի, Մյանմայի և Եթովպիայի հարցով:
ԱՄՆ նախագահը կարևորել է գործընկերների հետ փոխգործակցությունը՝ կորոնավիրուսի համավարակի դեմ պայքարում, ինչպես նաև տնտեսական վերականգնման նպատակով:
Հաղորդագրության մեջ ասվում է, որ Բայդենը հանդիպման ընթացքում ընդգծել է Վաշինգթոնի հանձնառությունը՝ հիմնված միջազգային կազմակերպությունների, այդ թվում ՝ Միավորված ազգերի կազմակերպության հետ փոխգործակցության վերականգնման վրա: