Մարդու իրավունքների խախտումների համար ԵՄ-ը մոտ ժամանակներս նոր պատժամիջոցներ կարող է սահմանել Չինաստանի, Ռուսաստանի, Հյուսիսային Կորեայի, Լիբիայի և Հարավային Սուդանի պաշտոնատար անձանց դեմ: Այս մասին, հայտնել է EUobserver պարբերականը:
EUobserver-ի տվյալներով՝ Եվրոմիության երկրներ վիզա տրամադրելու արգելքի և ֆինանսական ակտիվների սառեցման մասին որոշումն ԱԳ նախարարների խորհրդի կողմից պաշտոնապես կընդունվի մարտի 22-ին:
ԵՄ երկրների մշտական ներկայացուցիչները հինգշաբթի հանդիպել են քաղաքականության և անվտանգության հարցերով հանձնաժողովի շրջանակներում:
Մարտի սկզբին՝ ռուս ընդդիմադիր գործիչ Ալեքսեյ Նավալնիի շուրջ ստեղծված իրավիճակի պատճառով, 4 ռուս պաշտոնյա հայտնվել է ԵՄ պատժամիջոցների ցանկում։