Խնդրում ենք սպասել...

Իրադարձություններ

«Վարչապետն ինձ հետ կապ է հաստատել և առաջարկել հանդիպում»․ Էդմոն Մարուքյան

13:40, երեքշաբթի, 02 մարտի, 2021 թ.
«Վարչապետն ինձ հետ կապ է հաստատել և առաջարկել հանդիպում»․ Էդմոն Մարուքյան

Այսօր ԼՀԿ խմբակցության ղեկավար Էդմոն Մարուքյանը լրագրողների հետ ճեպազրույցում հայտարարեց, որ հավանաբար վաղը կհանդիպի վարչապետ Փաշինյանի հետ։

Դիտարկմանը, որ մինչ հանրահավաքը Մարուքյանն ասել է, թե պատրաստ է իշխանության հետ հուշագիր ստորագրել, որ չի առաջադրվի որպես վարչապետի թեկնածու և կգնա ընտրությունների՝ պայմանով, եթե ԳՇ պետի ազատման հրամանը վարչապետը հետ վերցնի, իսկ Տիրան Խաչատրյանին վերականգնի պաշտոնին, Մարուքյանն ասաց, որ իր հայտարարությունից հետո որևէ բան չի փոխվել։

«Ես իմ խոսքի տերն եմ, առաջարկ եմ արել, չի եղել հասկանալի արձագանք, եղել ա վարչապետի մարտահրավեր նետելու հայտարարությունը։ Գիտե՞ք, հայ ազգը մի մարտահրավեր ուներ․ վարչապետի գլխավորությամբ գնաց այդ մարտահրավերին և ջախջախիչ պարտություն կրեց։ Ինչ վերաբերում է արտահերթ ընտրություններին, ապա առավոտյան վարչապետն ինձ հետ կապ է հաստատել և առաջարկել է հանդիպում՝ քննարկելու իմ, իր, բոլորի առաջարկները։

ԼՀԿ ղեկավարը նշեց, որ համաձայնել է հանդիպել. «Ենթադրում եմ, որ վաղը կհանդիպենք»:

| | |
2904 | 0
Facebook
COMMENT.am