Վրաստանի վարչապետ Գեորգի Գախարիան հինգշաբթի կայացած ճեպազրույցի ժամանակ հայտարարել է հրաժարական տալու իր որոշման մասին։ Այս մասին հայտնում է Sputnik- Georgia-ն։
«Ես որոշում եմ կայացրել հեռանալ պաշտոնից։ Իհարկե, հավատում եմ և ուզում եմ հավատալ, որ այս քայլը կօգնի նվազեցնել բևեռացումը մեր երկրի քաղաքական տարածքում, քանի որ համոզված եմ, որ մեր միջև բևեռացումն ու առճակատումը, մեր երկրի տնտեսական զարգացման և բոլոր տեսակի ճգնաժամերի հաղթահարման ամենամեծ ռիսկն է»,- հայտարարել է Գախարիան։