Չինաստանի նախագահ Սի Ցզինպինն ԱՄՆ նախագահ Ջո Բայդենի հետ զրույցում հայտարարել է, որ 2 երկրների բախումն աղետալի կլինի ամբողջ աշխարհի համար:
Նրա խոսքով՝ Պեկինի և Վաշինգթոնի համագործակցությունը երկկողմ հարաբերություններում միակ ընտրությունն է։
«Չինաստանի և ԱՄՆ-ի համագործակցությունը շատ առումներով բարենպաստ է ինչպես ԱՄՆ-ի և Չինաստանի, այնպես էլ ամբողջ աշխարհի համար։ Չինաստանի և ԱՄՆ-ի բախումն աղետ կլինի ինչպես 2 երկրների, այնպես էլ ամբողջ աշխարհի համար»,- ասել է Սի Ցզինպինը։
Նա ընդգծել է, որ չնայած որոշ հարցերի վերաբերյալ տարբեր տեսակետներին, կողմերը պետք է տարաձայնությունները լուծեն փոխադարձ հարգանքի հիման վրա և ձգտեն խուսափել սխալ հաշվարկներից ու դատողություններից: