Այսօր՝ փետրվարի 8-ին, Երևանի քաղաքապետարանի դիմաց, մանկահասակ երեխաների ծնողներն ակցիա են իրականացրել՝ մանկապարտեզներում ընդունելության ոչ պատշաճ կազմակերպման դեմ իրենց բողոքը հայտնելով:
«12000 երեխա հերթագրվել է և սպասում է ընդունելությանը: Մի տարի ծնողները համբերել են, հիմա կարանտինն էլի երկարացվում է, բայց պարտեզների ընդունելության համար ոչ մի բան չի ասվել»,- ասաց ծնողներից մեկը:
Երևանի քաղաքապետի մամուլի խոսնակ Հակոբ Կարապետյանը լրագրողների հետ զրույցում հայտնեց, որ իրավիճակը պայմանավարված է երկրում հաստատված կարանտինով և նշեց, որ Երևանի քաղաքապետարանն այս առումով բացառապես հետևում է Կառավարության՝ մասնավորապես առողջապահության և ԿԳՄՍ նախարարության ցուցումներին: