Խնդրում ենք սպասել...

Միջազգային

ԱՄՆ-ում ձերբակալել են 6 մարդու, ովքեր փոփոխել են Hollywood-ի ցուցանակը

00:35, չորեքշաբթի, 03 փետրվարի, 2021 թ.
ԱՄՆ-ում ձերբակալել են 6 մարդու, ովքեր փոփոխել են Hollywood-ի ցուցանակը

ԱՄՆ-ի ոստիկանությունը ձերբակալել է 6 մարդու, ովքեր փոփոխել են ԱՄՆ-ի Լոս Անջելես քաղաքում գտնվող հայտնի Hollywood գրությունը Hollyboob-ի (boob-կուրծք), հաղորդում է Los Angeles Times-ը:
     Ոստիկանության աշխատակիցները տեսախցիկի միջոցով նկատել են 6 մարդու, որոնք ներթափանցել են տարածք, որտեղ գտնվում է հայտնի գրությունը։ Հետդարձի ճանապարհին, նրանց արդեն սպասելիս են եղել իրավապահները։ Հայտնի է, որ ձերբակալվածների թվում եղել է 5 տղամարդ և 1 կին։
     Ստացված տեղեկատվության համաձայն, իրավախախտները հայտարարել են, որ փոխել են գրությունը, քանի որ ցանկացել են գրավել հանրության ուշադրությունը և մարդկանց զգուշացնել կրծքի քաղցկեղի խնդրի մասին:
     Իրավապահների խոսքով՝ այս միջադեպը չի կարող դիտարկվել որպես վանդալիզմ, քանի որ հայտնի գրությունը չի վնասվել։
     Իրավախախտներին մեղադրանք կառաջադրվի մասնավոր տարածք ապօրինի մուտք գործելու համար, ապա բոլոր 6 անձինք ազատ կարձակվեն:
     Սա Հոլիվուդի հայտնի նշանի մեջ փոփոխություններ կատարելու առաջին փորձը չէ։ Ավելի վաղ՝ 2017-ին, անհայտ անձն Ամանորի գիշերը Լոս Անջելեսում «Hollywood» հայտնի գրությունը փոխել էր «Hollyweed» բառով, ինչը կարելի է թարգմանել՝ որպես «Սուրբ մարիխուանա»:

10613 | 0
Facebook