Շիրակցի 62 գերիների կյանքին ու առողջությանը սպառնալիք չկա. այս մասին Շիրակի մարզում լրագրողների հետ զրույցում հայտարարել է ՀՀ տարածքային կառավարման և ենթակառուցվածքների նախարար Սուրեն Պապիկյանը:
«Մի բան հստակ է՝ վերջին տեղեկությունները, որ ամփոփվել են այն է, որ մեր 62 եղբայրների՝ Ադրբեջանում լինելը հաստատված է նաև Կարմիր խաչով, և դա երաշխավորում է նրանց անվտանգությունը, որ նրանց կյանքի ու առողջության հետ որևէ սպառնալիք լինել չի կարող։ Հիմա պետք է ամենօրյա ռեժիմով աշխատենք նրանց վերադարձի ուղղությամբ»,- ասել է նախարարը: