Խնդրում ենք սպասել...

Միջազգային

Երեք երկրների փոխվարչապետները վաղը կքննարկեն Հայաստանով անցնող երկաթուղու հարցը

10:30, երեքշաբթի, 26 հունվարի, 2021 թ.
Երեք երկրների փոխվարչապետները վաղը կքննարկեն Հայաստանով անցնող երկաթուղու հարցը

Մոսկվայում այս շաբաթ նախատեսվում է Ռուսաստանի, Հայաստանի և Ադրբեջանի փոխվարչապետների հանդիպումը, որի ընթացքում քննարկվելու է Հարավային Կովկասում տրանսպորտային միջանցքի ստեղծման հարցը։

Հանդիպումը տեղի է ունենալու հունվար 27-ին Մոսկվայում, հայտնում է РБК հեռուստաալիքը։

Ռուսական կողմից հանդիպմանը մասնակցելու է Ալեքսեյ Օվերչուկը, հայկական կողմից՝ Մհեր Գրիգորյանը, ադրբեջանական կողմից՝ Շահին Մուստաֆաևը։

Բանակցային նման ձևաչափի մասին կողմերը պայմանավորվել էին հունվարի 11-ին՝ երեք պետությունների ղեկավարների հանդիպման ժամանակ։

Փոխվարչապետները քննարկելու են միանգամից մի քանի հավանական ծրագիր Հայաստանով Ադրբեջանը Նախիջևանին կապող երկաթուղային ճանապարհի կառուցման, ինչպես նաև՝ Հայաստանը Ռուսաստանին կապող ճանապարհի հարցը։

«Բաքուն ցանկանում է նաև հասնել նրան, որ կառուցվի ճանապարհային մայրուղի, փոխարենը Հայաստանը կստանա Ռուսաստանի հետ հաղորդակցության ճանապարհ»,- РБК-ին հայտնել է ռուսական դիվանագիտական ներկայացուցիչը։

Աղբյուրի փոխանցմամբ՝ փոխվարչապետները քննարկելու են նաև Նախիջևանով Հայաստանն Իրանի հետ կապելու առաջարկը։

Երեք երկրների փոխվարչապետները վաղը կքննարկեն Հայաստանով անցնող երկաթուղու հարցը
Երեք երկրների փոխվարչապետները վաղը կքննարկեն Հայաստանով անցնող երկաթուղու հարցը
5781 | 0
Facebook