Բրազիլիայի Ռիո դե Ժանեյրո քաղաքի իշխանությունները որոշել են 2021 թվականին չեղարկել հայտնի ամենամյա կառնավալը, այդ որոշման մասին Twitter-ում հայտնել է քաղաքապետ Եդուարդու Պաիսը:
«Ես երբեք չեմ թաքցրել կառնավալի հանդեպ իմ սերը և գիտակցում եմ այս մշակութային իրադարձության տնտեսական կարևորությունը»,- գրել է Պաիսը։
Ռիո դե Ժանեյրոյի քաղաքապետի խոսքով՝ տոնակատարությունը մեծ նախապատրաստություն է պահանջում, ինչն այս պահին անհնար է թվում:
«Անշուշտ, 2022 թվականին մենք կկարողանանք տոնել այն»,- հավելել է քաղաքապետը: