Ռուսաստանն ու Իսրայելը քննարկում են պատվաստանյութերի համատեղ արտադրության հարցը, РИА Новости-ին տված հարցազրույցում հայտնել Է Իսրայելում ՌԴ դեսպան Անատոլի Վիկտորովը:
«Այդ հարցը չի հանվել օրակարգից. քննարկվում է պատվաստանյութի համատեղ արտադրության հարցը։ Թե ինչ պատվաստանյութ կլինի, ես այժմ չեմ նշի, որովհետև այն դեռևս բանակցությունների փուլում է։ Հնարավոր են բազմաթիվ տարբերակներ»,- ասել է Վիկտորովը։
Դեկտեմբերին ՌԴ նախագահ Վլադիմիր Պուտինը և Իսրայելի վարչապետ Բենիամին Նեթանյահուն հեռախոսազրույցի ժամանակ քննարկել են համագործակցության ընդլայնումը, այդ թվում՝ կորոնավիրուսի տարածման դեմ պայքարի համատեքստում: