Այսօր Ռոբերտ Քոչարյանի փաստաբանները ՀՀ գլխավոր դատախազ, այս գործով մեղադրող Արթուր Դավթյանին բացարկ հայտնելու միջնորդություն ներկայացրին։ Ըստ Ալումյանի՝ Արթուր Դավթյանի ու Նիկոլ Փաշինյանի հարաբերություններն այնպիսին են, որ վարչապետը կարող է գլխավոր դատախազին հրավիրել իր մոտ և քննարկել քրգործերի քննության ընթացքը: Նա հիշեց, թե ինչպես է ԱԺ նախագահ Արարատ Միրզոյանի դեմ բռնության գործով Արթուր Դավթյանը գնացել վարչապետի մոտ խորհրդակցության: Ալումյանը նշեց, որ այդ խորհրդակցության ժամանակ քրեական գործը քննարկվել է այնպիսի մանրամասնություններով, որ կարելի է դրանից հետևություն անել:
«Արթուր Դավթյանի այսպիսի փոխհարաբերությունները հակասում են «Դատախազության մասին ՀՀ օրենքի» մի շարք նորմերին»,- հավելեց փաստաբանը: