Խնդրում ենք սպասել...

Իրադարձություններ

ՏՄՊՊՀ նախագահը պարզաբանում է՝ որ դեպքում տնտեսվարողի տուգանքը չի կարող լինել 50 տոկոսից ավելի

13:15, երեքշաբթի, 19 հունվարի, 2021 թ.
ՏՄՊՊՀ նախագահը պարզաբանում է՝ որ դեպքում տնտեսվարողի տուգանքը չի կարող լինել 50 տոկոսից ավելի

Այսօր՝ հունվարի 19-ին, Ազգային ժողովում քննարկվեց Տնտեսական մրցակցության պաշտպանության մասին օրենքում փոփոխություն կատարելու մասին օրենքի նախագիծը:

ՏՄՊՊՀ նախագահ Գեղամ Գևորգյանը նախագիծը ներկայացնելիս նշեց, որ հանձնաժողովն այսուհետ հնարավորություն կունենա նախնական վարույթ իրականացնել և միայն առերևույթ հիմքերի պարագայում հարուցել բուն վարչական վարույթը. «Սա հնարավորություն կտա խնայել հանձնաժողովի ռեսուրսները, նաև` տնտեսվարող սուբյեկտներին ավելորդ պրոցեսների մեջ չներքաշել»:

Նրա խոսքով` տնտեսվարող սուբյեկտների տուգանքները չեն կարող օգուտներից նվազ լինել. «Իրավախախտումն ընդունած տնտեսվարողը եթե աշխատի հանձնաժողովի հետ, նրա ֆինանսական տուգանքը չի կարող լինել 50 տոկոսից ավելի»,- նշեց Գեղամ Գևորգյանը

Իշխանական պատգամավոր Հովիկ Աղազարյանը հետաքրքրվեց. «Տուգանքների ներքին շեմը հասկանալի է, իսկ վերին շեմ որոշվո՞ւմ է»:

Ի պատասխան ՏՄՊՊՀ նախագահը նշեց, որ տնտեսվարողների օգուտները չպետք է ավելի լինեն, քան տուգանքները, որպեսզի իրավախախտում կատարողը չհայտնվի շահեկան վիճակում:

ՏՄՊՊՀ նախագահը պարզաբանում է՝ որ դեպքում տնտեսվարողի տուգանքը չի կարող լինել 50 տոկոսից ավելի
1794 | 0
Facebook