Խնդրում ենք սպասել...

Իրադարձություններ

«Պատասխանատվությունը մի՛ բաշխեք. Անանյանն էլ չգիտեմ՝ քանի գլխանի է եղել, որ չի եկել». Բաբաջանյանը՝ Բագրատյանին

12:50, երեքշաբթի, 19 հունվարի, 2021 թ.
«Պատասխանատվությունը մի՛ բաշխեք. Անանյանն էլ չգիտեմ՝ քանի գլխանի է եղել, որ չի եկել». Բաբաջանյանը՝ Բագրատյանին

Այսօր՝ հունվարի 19-ին, Ազգային ժողովում մետաղական հանքարդյունաբերության հարցերով քննիչ հանձնաժողովի զեկույցը ներկայացնելիս հանձնաժողովի նախագահ Սերգեյ Բագրատյանը հայտարարեց, որ նա բազմիցս դիմել է ՊԵԿ նախկին նախագահ Դավիթ Անանյանին, որ վերջինը ներկա լինի հանձնաժողովի աշխատանքներին, սակայն Անանյանը չի եկել:
     Անկախ պատգամավոր Արման Բաբաջանյանը հայտնեց, որ հանձնաժողովի աշխատանքում հետևողականության պակաս է տեսնում. «Պետք է պարտադրեիք, որ ձեզ անհրաժեշտ տեղեկությունները ձեզ տրամադրեին»:

Բագրատյանմ արձագանքեց. «Եթե ՊԵԿ նախկին նախագահը չի եկել, ես ի՞նչ կարող էի անել: Ես մոտավորապես 10-15 անգամ զանգել եմ: Նիստի ժամանակ հատուկ մոտեցել, խնդրել եմ, որ մասնակցի: Ոչ մի անգամ Անանյանը չի ասել «չէ», բայց չի եկել: Հիմա ես չունեմ այլ լծակ նրան ստիպելու»:

Ի պատասխան Բաբաջանյանն ասաց. «Պատասխանատվությունը մի՛ բաշխեք. Անանյանն էլ չգիտեմ՝ քանի գլխանի է եղել, որ չի եկել քննիչ հանձնախումբ և չի պատասխանել կարևոր հարցերին»:

2863 | 0
Facebook