Խնդրում ենք սպասել...
Այսօր`  չորեքշաբթի, 20 հունվարի, 2021 թ.

Իրադարձություններ

«Առաջարկվում է հեշտացնել վիրավորված զինծառայողների և քաղաքացիական անձանց սայլակներ, քայլակներ տրամադրելու կարգը». Մեսրոպ Առաքելյան

12:30, հինգշաբթի, 14 հունվարի, 2021 թ.
«Առաջարկվում է հեշտացնել վիրավորված զինծառայողների և քաղաքացիական անձանց սայլակներ, քայլակներ տրամադրելու կարգը». Մեսրոպ Առաքելյան

Այսօր Կառավարության նիստում Աշխատանքի և սոցիալական հարցերի նախարար Մեսրոպ Առաքելյանը ներկայացրեց օրենքի նախագիծ, ըստ որի առաջարկվում է հեշտացնել վիրավորված զինծառայողների և քաղաքացիական անձանց սայլակների, քայլակների և այլ օժանդակ միջոցների ձեռք բերման կարգը: «Նախագիծը վերաբերում է բժշկասոցիալական փորձաքննության իրականացման կարգում փոփոխություն կատարելուն: Ներդրվում է պատերազմի հետևանքով վիրավորված զինծառայողներին և քաղաքացիական անձանց աջակցող միջոցներ տրամադրելու պարզեցված ընթացակարգ»:

Նախարարը նշեց, որ գործող օրենքով վիրավորված զինծառայողներն ու քաղաքացիական անձինք աջակցող սարքեր, մասնավորապես սայլակ կամ քայլակ ստանալու համար պետք է ունենան հաշմանդամության խումբ, հետո նոր միայն ստանան:

«Հաշվի առնելով այն փաստը, որ գործող կարգավորումներով հաշմանդամության խումբ ստանալը որոշակի բժշկական գործընթացից հետո է տեղի ունենում, մասնավորապես բուժումը ավարտելուց հետո երեք ամսվա ընթացքում, սակայն որոշ դեպքերում հենց բուժման ընթացքում հատկապես սայլակների և քայլակների անհրաժեշտություն կա, առաջարկվող ընթացակարգը հնարավորություն է տալիս հինգ օրվա ընթացքում կարիքների գնահատման միջոցով, առանց հաշմանդամության խմբի տրամադրման գործընթացն ավարտելու տրամադրել այդ օժանդակ սարքերը»,- նշեց նախարարը:

Որոշման նախագիծն ընդունվեց միաձայն:

| | |
553 | 0
Facebook