Էստոնիայի վարչապետ Յուրի Ռատասը հրաժարական է տալիս` անշարժ գույքի կառուցապատող Porto Franco-ին պետական վարկ տրամադրելու հետ կապված կոռուպցիոն սկանդալի ֆոնին:
«Քաղաքականության մեջ բարդ իրավիճակները լուծելու համար պետք է շատ դժվար ընտրություն կատարել։ Ստեղծված իրավիճակում, ելնելով իմ արժեքներից, ես որոշում եմ կայացրել հրաժարական տալ Էստոնիայի Հանրապետության վարչապետի պաշտոնից։ Այս որոշումն ընդունվել է խորհրդակցություններից հետո։ Հնարավոր էին տարբեր լուծումներ, բայց դրանցից միայն մեկն է ճիշտ»,-հայտարարել է Ռատասը:
Նա հավելել է, որ այս հայտարարությունն իրականում նշանակում է ներկայիս իշխող կոալիցիայի ավարտ, որը ներառում է «Պահպանողական ժողովրդական» և «Հայրենիք» կուսակցությունները: