Կառավարության անդամները քննարկում են Դոնալդ Թրամփին իշխանությունից վաղաժամ հեռացնելու և պետության ղեկավարի լիազորությունները փոխնախագահ Մայք Փենսին փոխանցելու հնարավորությունը: Այս մասին հայտնում է CBS հեռուստաալիքը՝ հղում անելով իր աղբյուրներին։
Դոնալդ Թրամփին իշխանությունից հեռացնելը կարող է տեղի ունենալ ԱՄՆ Սահմանադրության 25-րդ փոփոխության հիման վրա։ Նման հնարավորություն նախատեսվում է պետության ղեկավարի անգործունակության դեպքում։ Այդ դեպքում, նրա լիազորությունները ստանձնում է փոխնախագահը՝ մինչև նոր նախագահի իշխանության գալը։
Նախագահի լիազորությունների վաղաժամկետ դադարեցման հնարավորության քննարկումն ընթանում է Վաշինգթոնում տեղի ունեցած բախումների ֆոնին։