Խնդրում ենք սպասել...
Այսօր`  երեքշաբթի, 26 հունվարի, 2021 թ.

Համացանց

«Հայաստանում կանցկացվի Հայկական համադպրոցական գիտության փառատոն». Ժաննա Անդրեասյան

17:35, կիրակի, 03 հունվարի, 2021 թ.
«Հայաստանում կանցկացվի Հայկական համադպրոցական գիտության փառատոն». Ժաննա Անդրեասյան

ԿԳՄՍ փոխնախարար Ժաննա Անդրեասյանը ֆեյսբուքյան իր էջում գրել է․ «Հայաստանում 2020-2021 ուսումնական տարում կանցկացվի Հայկական համադպրոցական գիտության փառատոն: Փառատոնի նպատակն է ավագ դպրոցի սովորողների շրջանում գիտական հետազոտությունների նկատմամբ հետաքրքրության սերմանումը, խմբային աշխատանքի, նորարարական ծրագրերի իրականացման և դրանց ներկայացման հմտությունների զարգացումը:
     Համադպրոցական գիտության փառատոնի մասնակցության համար անհատական, կամ հետազոտական խմբերը (մինչև 3 աշակերտ)՝ գիտական ղեկավարի աջակցությամբ, ուսումնական տարվա ընթացքում պետք է իրականացնեն իրենց կողմից առաջադրված գիտահետազոտական ծրագիրը, որի արդյունքները կներկայացնեն փառատոնի եզրափակիչ փուլում: Եզրափակիչ փուլի ընթացքում աշակերտների կողմից ներկայացված հետազոտական ծրագիրը կգնահատվի մասնագիտական հանձնաժողովի կողմից: Այս փուլը հաղթահարած մասնակիցներն իրենց ծրագրերն առցանց կներկայացնեն Միջազգային գիտատեխնիկական փառատոնին (International Science and Engineering Fair):
     Ներկայացվող ծրագրերը պետք է համապատասխանեն հետևյալ նվազագույն պահանջներին.
     ✅ավագ դասարանի աշակերտների կողմից առաջադրված և իրականացված,
     ✅մեկ ուսումնական տարվա ընթացքում իրականանալի,
     ✅նոր և նախկինում չիրականացված։
     Համադպրոցական գիտության փառատոնի ժամանակացույց.
     ✅հունվար 2021թ. – հայտերի ընդունում
     ✅փետրվար 2021թ. – ծրագրերի քննարկում
     ✅մարտ 2021թ. – Գիտության փառատոնի եզրափակիչ փուլ
     Հայտերը կարող եք ուղարկել asef@scs.am էլեկտրոնային հասցեին (հեռ.094-54-24-72)՝ որպես նամակի վերնագիր նշելով դպրոցի համարը: Հայտերի ընդունման վերջնաժամկետը 2021թ. հունվարի 31-ն է»:

| | |
2014 | 1
Facebook