Թեհրանի իսլամական քաղխորհրդի որոշմամբ, Թեհրանի փողոցներից մեկն անվանակոչվել է հայ նահատակի անունով: Այդ մասին հաղորդել է ԻՌՆԱ լրատվական գործակալությունը:
Թեհրանի իսլամական քաղխորհրդի անդամ Մոհամմեդ Ջավադ Հաղշենասն ասել է.«Քաղխորհրդի անվանակոչման հանձնաժողովը Թեհրանի Միրզայե Շիրազի և Սանայի փողոցներն իրար կապող 19-րդ փողոցը կոչել է հայ նահատակ Անդրանիկ Մկրտիչյանի անունով»:
Հայերն ակտիվ մասնակցություն են ունեցել հեղափոխության և ութամյա սրբազան պաշտպանության (Իրան-Իրաք պատերազմ) տարիներին և ավելի քան 80 զոհ են տվել: