Բաքվում գերության մեջ հայտնված Ազնիվ Բաղդասարյանը, որը հայտնի է աղմուկ հանած տեսանյութից, վերադարձել է հայրենիք։ Sputnik Արմենիայի հետ զրույցում Բաղդասարյանը տեղեկացրել է, որ երեք այլ գերիների հետ Հայաստանին է հանձնվել դեկտեմբերին։
«Արդեն մի քանի օր է՝ տանն եմ»,- ասել է նա։
Բաղդասարյանի՝ Բաքվում գտնվելու մասին հայտնի էր դարձել հոկտեմբերին՝ մամուլի ասուլիսից հետո, որին նա մասնակցել էր։
Նշենք, որ Արցախի ՄԻՊ Արտակ Բեգլարյանն ավելի վաղ հայտարարել էր, որ դեկտեմբերի սկզբին գերիների փոխանակում 3 անգամ է կատարվել։ Դեկտեմբերի 14-ին Հայաստանին էին հանձնվել 44 գերիներ, ապա նաև 2 փոքրիկ խմբեր։