Մի խումբ քաղաքացիներ բողոքի ակցիա են իրականացնում Կառավարության դիմաց՝ պահանջելով վարչապետ Նիկոլ Փաշինյանի հրաժարականը: «Հայրենիք» կուսակցության անդամ Բաբկեն Հարությունյանը հայտարարեց. «Այս շենքում նստած դավաճանը ստորագրեց, թշնամուն նվիրեց մեր հողերը: Էս դավաճանն իր ապաշնորհությամբ, իր տգիտությամբ հասցրեց նրան, որ ունեցանք 5000 զոհ, 10 000 վիրավոր, հիմա էլ ունենք գերիներ: Այս սրբապիղծը մինչ օրս չի կարողանում հետ վերադարձնել մեր գերիներին: Այս ստահակը չի համարձակվում նույնիսկ պատասխանելու Ալիևի ստորացումներին: Ո՞նց ես գնալու մեր երկիրը ներկայացնելու, Արցախի կարգավիճակի շուրջ հետագա բանակցություններ վարելու»,- դիմելով վարչապետին ասաց նա:
Ակցիայի ավարտին, մասնակիցները վարչապետի՝ «դավաճան» մակագրությամբ նկարը նետեցին աղբամանը: