Ինչպես արդեն հայտնել էինք, անհետ կորած զինծառայողների հարազատներն ակցիա են իրականացնում ՊՆ-ի դիմաց: Նրանք պահանջում են հանդիպում նախարարարի հետ, սակայն դեռ արձագանք չկա:
Քիչ առաջ կանանց հաջողվեց մուտք գործել ընդունարան, սակայն տղամարդկանց արգելեցին, ոստիկանները կենդանի պատ են կազմել ընդունարանի դիմաց և թույլ չեն տալիս հավաքվածներին մտնել նախարարություն:
«Ամենաթանկը կորցրել ենք, էլ կորցնելու բան չունենք, թողեք ներս մտնենք, անպայման մտելու ենք»,- դիմելով ոստիկաններին՝ ասացին անհետ կորածների հարազատները: