Միջազգային

Ռուսաստանի և Ֆրանսիայի նախագահներ Վլադիմիր Պուտինն ու Էմանուել Մակրոնը քննարկել են Լեռնային Ղարաբաղի շուրջ իրավիճակի զարգացումը, հայտնում է Կրեմլի մամուլի ծառայությունը։
     Նշվում է, որ Պուտինը գործընկերոջը պատմել է Ղարաբաղում իրավիճակի կայունացման և այնտեղ ռուսական խաղաղապահ զորակազմի տեղակայման մասին:
     Պետությունների ղեկավարներն ընդգծել են անհետաձգելի հումանիտար հարցերի լուծման կարևորությունը, այդ թվում՝ փախստականների վերադարձը, ենթակառուցվածքների վերականգնումը, քրիստոնեական տաճարների և վանքերի պահպանումը:
     Ավելի վաղ Ֆրանսիայի կառավարության պաշտոնական ներկայացուցիչ Գաբրիել Աթալը հայտարարել էր, որ Փարիզն ուշադիր հետևելու է, որպեսզի հրադադարի ռեժիմը պահպանվի: