Ֆրանսիայի նախագահ Էմանուել Մակրոնը քննադատության է ենթարկել ՄԱԿ-ի Անվտանգության Խորհուրդին՝ հայտարարելով, որ այդ մարմինն արդյունավետ որոշումներ չի կայացնում:
Նա նշել է, որ իր խնդիրներից մեկը քաղաքական առումով ուժեղ Եվրոպայի ամրապնդումն ու ձևավորումն է։
«Եթե ցանկանում ենք համագործակցություն հաստատել՝ հավասարակշռված բևեռները պետք է հնարավորություն ունենան ձևավորել նոր բազմակողմանի համագործակցություն, այսինքն՝ տարբեր տերությունների միջև երկխոսություն, ինչն անհրաժեշտ է համատեղ որոշումների ընդունման համար։ Բազմակողմանի համագործակցության շրջանակները թուլացած են, քանի որ դրանք արգելափակվում են. ստիպված եմ ընդունել, որ Անվտանգության խորհուրդն այսօր չի առաջարկում օգտակար որոշումներ»,- ասել է Ֆրանսիայի առաջնորդը Grand Continent պարբերականին։