Միջազգային

Ֆրանսիայի նախագահ Էմանուել Մակրոնը Հայաստանի վարչապետ Նիկոլ Փաշինյանի հետ հեռախոսազրույցի ժամանակ գոհունակություն է հայտնել Լեռնային Ղարաբաղում ռազմական գործողությունների ավարտի կապակցությամբ։ Նա վերահաստատել է հակամարտության կարգավորման համար՝ բոլոր կողմերի համար ընդունելի լուծում գտնելու պատրաստակամությունը, հայտնել Է Ելիսեյան պալատը:
     «Նախագահը գոհունակություն է հայտնել ռազմական գործողությունների ավարտի կապակցությամբ, նա հիշեցրել է Հայաստանի և նրա ժողովրդի հանդեպ իր բարեկամական զգացմունքների, ինչպես նաև Լեռնային Ղարաբաղում՝ բոլոր կողմերի համար արդար, երկարաժամկետ և ընդունելի քաղաքական լուծում կառուցելու իր պատրաստակամության մասին»,-ասված է հաղորդագրության մեջ:
     Մակրոնը Փաշինյանին նաև հայտնել է Ֆրանսիայի կողմից մարդասիրական օգնություն ցուցաբերելու ջանքերի կազմակերպման համար հինգշաբթի օրը կայացած հանդիպման մասին: