Լեռնային Ղարաբաղում մարտերին Սիրիայից զինյալների մասնակցության մասին ճշգրիտ տվյալներ Ռուսաստանի արտաքին հետախուզության ծառայությունը ստացել է, այդ թվում՝ Մերձավոր և Միջին Արևելքի երկրների գործընկեր հատուկ ծառայություններից, РИА Новости-ին տված հարցազրույցում հայտարարել է ՌԴ ԱՀԾ տնօրեն Սերգեյ Նարիշկինը:
Նարիշկինի խոսքով՝ մարտական գոտում ահաբեկիչների ներկայության մասին, այդ թվում՝ Մերձավոր Արևելքից և առաջին հերթին՝ Սիրիայից, «ճշգրիտ տվյալներ են ունեցել»:
«Այդ տվյալները մենք ստանում ենք մի շարք երկրներից, տարբեր աղբյուրներից և մեր տարբեր գործընկերներից, Մերձավոր Արևելքում, Միջին Արևելքում գործընկեր ծառայություններից»,-ասել է Նարիշկինը: