ԱՄՆ նախագահ Դոնալդ Թրամփն «ահաբեկչության նողկալի գործողություն» է անվանել երկուշաբթի Վիեննայում տեղի ունեցած հրաձգությունը և կոչ արել դադարեցնել խաղաղ բնակիչների վրա հարձակումները:
«Մեր աղոթքները Վիեննայի բնակիչների համար՝ Եվրոպայում հերթական նողկալի ահաբեկչական գործողությունից հետո։ Այս ստոր հարձակումներն անմեղ մարդկանց դեմ պետք է դադարեցվեն. ԱՄՆ-ն ահաբեկիչների դեմ պայքարում կանգնած է Ավստրիայի, Ֆրանսիայի և ամբողջ Եվրոպայի կողքին»,-Twitter-ի իր էջում գրել է Սպիտակ տան ղեկավարը։
Հիշեցնենք, որ Ավստրիայի մայրաքաղաքի կենտրոնում երկուշաբթի երեկոյան հրաձգություն է տեղի ունեցել։ Կան զոհեր։