Իրադարձություններ

Արցախի Հանրային հեռուստաընկերությունը ռեպորտաժ է պատրաստել հրետակոծված Մարտունի քաղաքից։

Ստեփանակերտ-Մարտունի ճանապարհին գրեթե ողջ երկայնքով հրդեհվում են անտառները։ Ադրբեջանը շարունակում է հրկիզող արկերով հարվածել Արցախի Հանրապետության տարածքի անտառներին։

Հիմնականում հրդեհվում են հենց գյուղամերձ անտառները։ Դեռ նախօրեին ՀՀ ՄԻՊ-ն ահազանգել, որ այդ անտառներում գյուղերի բնակիչները պատսպարվում են ռմբակոծությունների ժամանակ։

Մարտունիի բնակիչներն արդեն երկու օր է ապաստարաններից դուրս գալու հնարավորություն հազվադեպ են ունենում։

Մարզադաշտ, ճանապարհ, թե բնակելի տուն ադրբեջանական զորքերի համար մնում են թիրախ, դա այն դեպքում, երբ Ադրբեջանը կրկին ստանձնեց պարտավորություն՝ քաղաքացիական ենթակառուցվածքները թիրախ չդարձնելու։ Մարտունիում հաջողվել է խուսափել զոհեր կամ վիրավորներ ունենալուց։ Նյութական վնասները ժամ առ ժամ ավելանում են։