Միջազգային

Եվրոպական Միության առաջնորդները ոչ պաշտոնական վիրտուալ գագաթնաժողովում արձանագրել են Թուրքիայի կողմից ԵՄ-հետ հարաբերություններում դրական ազդանշանների բացակայությունը և մտադիր են դեկտեմբերին կրկին վերադառնալ այդ հարցին, Բրյուսելում կայացած մամուլի ասուլիսի ժամանակ ասել է Եվրոխորհրդի ղեկավար Շառլ Միշելը։
     «Հոկտեմբերին մենք քննարկել ենք մեր հարաբերությունները Թուրքիայի հետ։ Մենք այն ժամանակ խոսում էինք երկու հնարավոր սցենարների մասին՝ դրական և բացասական։ Թուրքիայի կողմից դրական շարժ տեսնելու մեր ցանկությունը չարդարացավ, ընդհակառակը, նա դիմեց սադրանքների և անընդունելի հայտարարությունների։ Մենք այդ թեմային կվերադառնանք դեկտեմբերին»,- ասել է նա։