Խնդրում ենք սպասել...
Այսօր`  ուրբաթ, 27 նոյեմբերի, 2020 թ.

Համացանց

«Հույս ունեմ՝ ԱՄՆ պաշտոնական ներկայացուցիչը կպատասխանի իմ հարցերին». Նիկոլ Փաշինյան

19:25, երկուշաբթի, 26 հոկտեմբերի, 2020 թ.
«Հույս ունեմ՝ ԱՄՆ պաշտոնական ներկայացուցիչը կպատասխանի իմ հարցերին». Նիկոլ Փաշինյան

«Մենք դեռ չգիտենք, թե ԱՄՆ նախագահն ինչպես կարձագանքի հրադադարի տապալմանը, բայց ես ուզում եմ ասել, որ կեսգիշերն անց հեռախոսազրույց եմ ունեցել ԱՄՆ պետքարտուղար Մայք Փոմփեոյի հետ, և ուղիղ ասել, որ սա իրենց համար առաջին հրադադարն է, բայց մեզ համար արդեն երրորդը և ես կարող եմ մոտավորապես կանխատեսել, թե ինչ արդյունք է ունենալու, որ մեծ հավանականությամբ հրադադարը չի պահպանվի, և Ադրբեջանը կասի, թե հայկական կողմն է խախտել հրադադարը։ Բայց հիմնական հարցը, որ դնում էի ԱՄՆ պետքարտուղարի առաջ, հետևյալն է՝ ա․ եթե հրադադարը չպահվի, ինչպե՞ս եք պարզելու, թե ով է մեղավորը, բ․ ի՞նչ հետևանքներ է ունենալու հրադադարի խախտումը՝ խախտող կողմի համար»,- ֆեյսբուքյան ուղիղ եթերում՝ անդրադառնալով հերթական ձախողված հրադադարին, ասել է ՀՀ վարչապետ Նիկոլ Փաշինյանը:

Նա նշել է, որ կոռեկտ չի համարում ասել, թե ինչ է պատասխանել ԱՄՆ պետքարտուղարն իր հարցերին․ «Հույս ունեմ, որ ԱՄՆ պաշտոնական ներկայացուցիչը կպատասխանի հարցերին՝ արդյոք իրենք պարզեցի՞ն՝ ում գործողությունների արդյունքում է խախտվել հրադադարը, և եթե պարզեցին՝ ի՞նչ հետևանքներ է ունենալու հրադադարը խախտած կողմի վրա։ Ես կարծում եմ՝ սա շատ կարևոր է»,- նկատեց վարչապետը:

| | |
6077 | 1
Facebook