Խնդրում ենք սպասել...
Այսօր`  չորեքշաբթի, 25 նոյեմբերի, 2020 թ.

Համացանց

«Դիվանագիտական ճակատում մեր դեմ տակավին հին առաջարկներն են դրված». Ստյոպա Սաֆարյան

02:10, ուրբաթ, 23 հոկտեմբերի, 2020 թ.
«Դիվանագիտական ճակատում մեր դեմ տակավին հին առաջարկներն են դրված». Ստյոպա Սաֆարյան

Հանրային խորհրդի նախագահ Ստյոպա Սաֆարյանը ֆեյսբուքյան իր էջում գրել է. «ՌԴ նախագահի՝ Արցախյան պատերազմին վերաբերող հատվածի իմ ընկալումը և մեկնաբանությունը.
     1․ Արցախի հարցը տարածքների հարց չէ, այլ նաև այնտեղ ապրող էթնոսի հարց, որի հանդեպ հանցագործություններ են գործվել, ինչը նշանակում է կա այդ էթնոսի անվտանգության հարց,
     2․ Ստատուս քվոն պետք է փոխվի, տարիներ շարունակ ասել ենք դա կողմերին առաջարկվել է լուծել Ադրբեջանի «կորցրած» տարածքների վերադարձման ու էնթնոսի անվտանգության հարցերը, տարբեր պահերի թվում էր, թե կողմեը համաձայնել են «տարածքների հանձնում-էթնոսի անվտանգության ապահովում» բանաձևին /ակնհայտորեն խոսքը խաղաղապահների միջոցով այդ անվտանգության ապահովման մասին է ու «Ինտերֆաքս»-ին այսօր հետաքրքրած հարցն էլ դա է, որը վարչապետի հետ հարցազրույցի գլխագիր է դրվել/, սակայն տարբեր պատճառներով դա տեղի չունեցավ /չի նշվում, թե ում պատճառով/,
     3․ Եթե 30 տարում այս հարցերը չեն լուծվել, ապա դա չի նշանակում, թե պետք էր պատերազմի դիմել /ակնարկն ուղղված է Ադրբեջանին/,
     4․ Ռուսաստանն ու Թուրքիան տարբեր մոտեցումներ ունեն Արցախյան հարցում /կարծում եմ՝ ակնրակվում է, թե Թուրքիան է պատերազմով լուծման սադրանքի հետևում կանգնած/,
     5․ Ռուսաստանը հույս ունի, որ ԵԱՀԿ Մինսկի խմբով՝ ԱՄՆ, Ֆրանսիայի հետ կկարողանան համատեղ ջանքեր գործադրել իրավիճակի հանգուցալուծման համար /տպավորություն է, որ ակնկալում է, որ ԱՄՆ-ը և Ֆրանսիան դիմեն ու խնդրեն Ռուսաստանին՝ համաձայնելով, որպեսզի նա կանգնեցնի պատերազմն ու լուծի հարցն իր պատկերացրած ձևով՝ տարածքներ էթնոսի անվտանգության դիմաց/
     Այս ամենում ոչ մի նոր բան չկար գոնե ինձ համար։ Ավելի պարզ այս ամենը շաբաթներ առաջ ասել է ՌԴ ԱԳ նախարար Ս․Լավրովը։ Թեպետ դիվանագիտական դաշտում ամեն կողմը կարող է Վ․Պուտինի խոսքերում գտնել իր համար ցանկալի կառչելու տեղերը և բառերը։ Չեմ ասում, թե դա քիչ է։
     Ուղղակի արձանագրենք․ դիվանագիտական ճակատում մեր դեմ տակավին հին առաջարկներն են դրված»:

| | |
7440 | 1
Facebook