Խնդրում ենք սպասել...
Այսօր`  կիրակի, 06 դեկտեմբերի, 2020 թ.

Իրադարձություններ

Ռազմական դրության ժամանակահատվածում պետությանը հանձնվող ապրանքների ներմուծումը ԵԱՏՄ-ից ազատվեց հարկերից

18:00, չորեքշաբթի, 21 հոկտեմբերի, 2020 թ.
Ռազմական դրության ժամանակահատվածում պետությանը հանձնվող ապրանքների ներմուծումը ԵԱՏՄ-ից ազատվեց հարկերից

ԱԺ-ն երկրորդ ընթերցմամբ և ամբողջությամբ ընդունեց Կառավարության կողմից ներկայացված Ռազմական դրության ժամանակահատվածում հարկային արտոնություններ սահմանելու մասին օրենքի նախագիծը, որով առաջարկվում էր, որ կազմակերպությունները և ֆիզիկական անձինք ազատվեն ԵԱՏՄ անդամ երկրներից՝ ՊՆ-ին, ԱԻՆ-ին և Առողջապահության նախարարությանը հանձնելու նպատակով ներմուծած ռազմական, հումանիտար և առողջապահական նշանակության ապրանքների հարկային պարտավորություններից:
     Նախագծում կատարվել են որոշ փոփոխություններ:
     Այսպես, սահմանվում է, որ ռազմական դրության ժամանակահատվածում հարկ վճարողների կողմից ԵԱՏՄ անդամ հանդիսացող պետություններից ԵԱՏՄ ապրանքի կարգավիճակ ունեցող, Կառավարության հաստատած ցանկում ներառված ապրանքների ներմուծումն ազատվում է ավելացված արժեքի հարկից, ակցիզային հարկից և բնապահպանական հարկից՝ այդ ապրանքները ռազմական դրության ժամանակահատվածում ՊՆ-ին, ԱԻՆ-ին և Առողջապահության նախարարությանը հանձնելու դեպքում:

| | |
1437 | 0
Facebook