Միջազգային

Ադրբեջանի և Հայաստանի միջև մարտական գործողությունները դադարեցնելու ուղղությամբ աշխատանքները շարունակվում են։ Այս մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը։ «Աշխատանքը շարունակվում է, ընդհանուր առմամբ, ռազմական բախումները դադարեցնելու և կարգավորման գործընթացը քաղաքական-դիվանագիտական հուն բերելու ուղղությամբ։ Ավելին չեմ կարող ասել»,- հայտարարել է Պեսկովը՝ պատասխանելով այն հարցին, թե արդյոք նախապատրաստվո՞ւմ է Ադրբեջանի և Հայաստանի առաջնորդների այցը Ռուսաստան՝ կոնսենսուս գտնելու համար։