Խնդրում ենք սպասել...
Այսօր`  չորեքշաբթի, 25 նոյեմբերի, 2020 թ.

Միջազգային

Եվրոխորհրդարանի հույն պատգամավորը կոչ է արել վիզային սահմանափակումներ մտցնել ադրբեջանցիների համար

18:15, երեքշաբթի, 20 հոկտեմբերի, 2020 թ.
Եվրոխորհրդարանի հույն պատգամավորը կոչ է արել վիզային սահմանափակումներ մտցնել ադրբեջանցիների համար

Եվրոխորհրդարանի հույն պատգամավոր Եվա Քայիլին դիվանագիտական անձնագիր ունեցող ադրբեջանցիների շենգենյան վիզաները չեղարկելու և Ադրբեջանի քաղաքացիների համար վիզային սահմանափակումներ մտցնելու վերաբերյալ հարցում է ուղարկել Եվրոմիություն։

Եվրոխորհրդարանի պատգամավորը նշել է, որ դա պետք է լինի Իլհամ Ալիևի բռնապետական ռեժիմի կողմից Արցախում հայերի իրավունքների ոտնահարման հետևանք, հաղորդել է Greek City Times-ը:
     Միևնույն ժամանակ, նա կոչ է արել գնահատել ԵՄ անվտանգությունը՝ հաշվի առնելով Ադրբեջանի կողմից Արցախ ներխուժելու փորձը և հակամարտության գոտուց դեպի ԵՄ անօրինական միգրացիոն հոսքերի ավելացման տեսանելի հնարավորությունը:
     Նա Եվրոպական խորհրդարանի համար հանձնաժողովից պահանջել է ամբողջական զեկույց և տեղեկատվություն:
     Քայիլին նաև կոչ է արել գործնական աջակցություն ցուցաբերել Հայաստանին՝ ՀՀ քաղաքացիների համար վիզաների վերացմանն ուղղված երկխոսություն սկսելով, քանի որ երկիրը գտնվում է Թուրքիայի աջակցությամբ լայնածավալ ռազմական հարձակման սպառնալիքի տակ:
     «Պարոն Ալիևն անարդար պատերազմ է մղում Լեռնային Ղարաբաղում հայերի դեմ՝ խախտելով 1994թ․-ի հրադադարի մասին համաձայնագիրը և անտեսելով միջազգային հանրության երկխոսության կոչերը։ ԵՄ-ն պետք է վճռականորեն ցույց տա, որ մեր հարևանությամբ նման բացահայտ ռազմական հարձակումները չեն կարող մնալ առանց գործնական հետևանքների», - ասել է Եվրոխորհրդարանի պատգամավորը։

| | |
3729 | 0
Facebook