Խնդրում ենք սպասել...
Այսօր`  հինգշաբթի, 03 դեկտեմբերի, 2020 թ.

Միջազգային

ՄԱԿ-ի Անվտանգության խորհուրդը քննարկել է ԼՂ հակամարտության գոտում հրադադարի ռեժիմը վերահսկելու հարցը

08:20, երեքշաբթի, 20 հոկտեմբերի, 2020 թ.
ՄԱԿ-ի Անվտանգության խորհուրդը քննարկել է ԼՂ հակամարտության գոտում հրադադարի ռեժիմը վերահսկելու հարցը

ՄԱԿ-ի Անվտանգության խորհուրդը քննարկել է ԼՂ հակամարտության գոտում հրադադարի ռեժիմի վերահսկողության ապահովման անհրաժեշտությունը: Լեռնային Ղարաբաղի հակամարտությունը պետք է կարգավորվի բացառապես խաղաղ ճանապարհով: Այդ մասին փակ նիստի ավարտին լրագրողներին հայտնել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան:

«Այժմ անհրաժեշտ է ապահովել հրադադարի կատարումը։ Դա ամենահրատապ հարցն է, քանի որ նման համաձայնություն է ձեռք բերվել, բայց չի պահպանվել»,-ասել է նա: Գլխավոր խնդիրը մնում է այն, թե ինչպես ապահովել դրա կատարման վերահսկողությունը։
     «Այդ հարցը, իհարկե, քննարկվել է խորհրդակցությունների ընթացքում, և խորհուրդը բավական միասնական մուտեցում է ցուցաբերել»,- շարունակել է մշտական ներկայացուցիչը: Միևնույն ժամանակ նա պարզաբանել է, որ տարածաշրջան ՄԱԿ-ի դիտորդական առաքելություն իրականացնող պատվիրակություն ուղարկելու համար «անհրաժեշտ կլիներ անվտանգության խորհրդի հատուկ մանդատ»: «Դա արագ գործընթաց չէ»,- նշել է դիվանագետը»: Նա չի բացառել, որ դիտարկմամբ կարող է զբաղվել ԵԱՀԿ պատվիրակությունը, առավել ևս, որ այդ կազմակերպությունը կարգավորման գործընթաց է վարում:
     «Թե ով կլինի այնտեղ, ինչ կարգավիճակով, դեռ քննարկվող հարց է մնում»,- հավելել է նա:

| | |
6687 | 0
Facebook