Խնդրում ենք սպասել...
Այսօր`  երեքշաբթի, 27 հոկտեմբերի, 2020 թ.

Համացանց

«Պատերազմն ավարտվելու է, երբ Ադրբեջանի կորուստները հասնեն 30.000-ի». Անդրիաս Ղուկասյան

11:45, ուրբաթ, 16 հոկտեմբերի, 2020 թ.
«Պատերազմն ավարտվելու է, երբ Ադրբեջանի կորուստները հասնեն 30.000-ի». Անդրիաս Ղուկասյան

Հասարակական, քաղաքական գործիչ Անդրիաս Ղուկասյանը ֆեյսբուքյան իր էջում գրել է. «Հայրենակիցնե՛ր, ես, իհարկե, լիազորված չեմ խոսել բանակի անունից ճակատում տիրող իրավիճակի մասին, սակայն համարում եմ, որ հասարակության մոտ կա տեղեկության պակաս և կա անհրաժեշտություն հստակեցում մտցնել այն հարցում, թե երբ է ավարտվելու այս պատերազմը։

Ըստ Իլհամ Ալիևի` Ադրբեջանի ԶՈւ կազմում առայսօր մոբիլիզացված է եղել 100.000 զինվոր։ Այդ թվից շուրջ 20.000-ը գտնվում են Նախիջևանի Հանրապետությունում, մոտ 10.000-ը` Տավուշի շրջանին Ադրբեջանին հարակից տարածքում։ Այսինքն՝ շուրջ 70.000-ը ներգրավված են եղել Արցախի Հանրապետության դեմ զինված գործողություններում։ Այս պահի դրությամբ Ադրբեջանը ունի շուրջ 15.000 շարքից դուրս եկած զինվոր (անվերադարձ և սանիտարական կորուստներ)։

Պատերազմն ավարտվելու է, երբ Ադրբեջանի ԶՈւ կորուստները հասնեն 30.000-ի։ Այս օրերին հակառակորդն օրական կորցնում է մոտ 1000 մարդ։ Մարտական գործողությունների նման ընթացքը պահպանելու դեպքում, 10-15 օրից իրենց հարձակողական ներուժը կլինի լիովին սպառված։

Հարկավոր է պահպանել ամրություն և զգոնություն և շարունակել ցուցաբերել աջակցություն բանակին և Արցախին։

Արցախը բոլորի համար, բոլորն Արցախի համար։ Հաղթանակը մոտ է։

Փառք մեր բանակին, զոհվածներին հավերժ հիշատակ»։

| | |
6150 | 0
Facebook