Խնդրում ենք սպասել...
Այսօր`  շաբաթ, 24 հոկտեմբերի, 2020 թ.

Համացանց

«Մի խոսքով սա ավագ Ալիևի ու նրա գեներալների ամենա «փայլուն» մտահղացումներից էր». Հրանտ Տեր-Աբրահամյան

03:05, չորեքշաբթի, 14 հոկտեմբերի, 2020 թ.
«Մի խոսքով սա ավագ Ալիևի ու նրա գեներալների ամենա «փայլուն» մտահղացումներից էր». Հրանտ Տեր-Աբրահամյան

Հրապարակախոս Հրանտ Տեր-Աբրահամյանը ֆեյսբուքյան իր էջում գրել է․ «Փաստորեն այսօր որդի Ալիև հոր փառքն էր ուզում կրկնել՝ Մրովդաղն անցնել:
     1994-ի հունվար-փետրվարի Մրովդաղի գործողությունը կամ Օմարի ճակատամարտը Ղարաբաղյան պատերազմի, գուցե ասենք՝ ամենա տարօրինակ գործողություններից էր:
     Հունվար ամսին ադրբեջանական բանակի երեք բրիգադ ձյուն-ձմեռով անցնում են Օմարի լեռնանցքը՝ մինչև 3000 հազար մետր սարերով (որտեղ նույնիսկ հոկտեմբերին է արդեն ձմեռ) ու մտնում են Քելբաջար:
     Ու քանի որ զուգահեռ՝ Մարտակերտից չեն կարողանում ճեղքել ճակատը, Քելբաջարում հայտնվում են շատ ծանր դրության մեջ: Երեք կողմից հայեր, չորորդից՝ նույն Մրովի լեռները:
     Փետրվարին դուրս են շպրտվում, ընկնում շրջափակման մեջ, կոտորվում, մնացորդներն էլ մեռնում են սառելուց՝ փախուստի ճամփին:
     Կենդանի մնացածների հուշերը սարսափելի են: Ասում են, շատ զինվորներ պարզապես խելագարվում էին բառիս բուն իմաստով, հալյուցիանացիաներ տեսնում՝ ցրտից, գցվում էին ձների մեջ՝ իրանց թվում էր տաք ջուր է, չդիմացող ու կանգ առնողները սառում-մեռնում էին և այն:
     Հազարավոր զոհեր տվեցին:
     Մի խոսքով սա ավագ Ալիևի ու նրա գեներալների ամենա «փայլուն» մտահղացումներից էր:
     Թվում էր, էլ երբեք նրանց մտքով չպիտի անցնի Օմարն ացնել: Թեկուզ և ունվար-փետրվար չի, այլ հոկտեմբեր է: Բայց աշխարհագրությունը նույնն է:
     Բայց արի ու տես, որ նորից ու նորից փորձում են: Այս պատերազմում արդեն առաջին փորձը չէ: Բայց ինչպես Արծրունից իմացաք, ամենա ուժեղն է եղել:
     Այ սենց ժառանգաբար, հորից որդի, բաշկոմանդիր են խաղում»:

| | |
6350 | 0
Facebook