Ադրբեջանի նախագահ Իլհամ Ալիևը CNN-ին «The Connect World» հաղորդման շրջանակում հայտարարել է, թե այն սկզբունքները, որոնք առաջ են քաշել Ամերիկայի Միացյալ Նահանգները, Ռուսաստանն ու Ֆրանսիան, պետք է դառնան Լեռնային Ղարաբաղի հակամարտության կարգավորման հիմք։ Այս մասին հայտնում է Reuters-ը։ Հիշեցնենք, որ Ռուսաստանը, Ֆրանսիան ու Միացյալ Նահանգները ԼՂ հակամարտության կարգավորման շուրջ բանակցություններն սկսել են հինգշաբթի Ժնևում։ Բանակցությունների մանրամասները, սակայն, չեն հրապարակվել։ Բանակցությունների երկրորդ փուլը, նախապես հայտարարվածի համաձայն, անցկացվելու է հոկտեմբերի 12-ին՝ Մոսկվայում։
Այս պահին, ինչպես հայտնել ենք, արդեն 9 ժամ շարունակ Մոսկվայում ընթանում է Հայաստանի, Ադրբեջանի և Ռուսաստանի արտգործնախարարների հանդիպումը: