Հայկական կողմը պատրաստ է գնալ զիջումների Ղարաբաղյան հակամարտության շրջանակներում, եթե դրան պատրաստ լինի նաև Ադրբեջանը: Այս մասին հայտարարել է ՀՀ վարչապետ Նիկոլ Փաշինյանը France-Presse-ի հետ հարցազրույցի ընթացքում:
«Հակամարտությունների կարգավորումները պետք է իրականացվեն փոխզիջումների հիման վրա,- հայտարարել է Փաշինյանը: «Լեռնային Ղարաբաղը և Հայաստանը պատրաստ են զիջումների այնքանով, որքանով Ադրբեջանն է պատրաստ զիջումների»: Նա նաև հայտարարել է, որ ռազմական գործողությունները Ղարաբաղում չէին վերսկսվի, եթե ակտիվորեն չմիջամտեր Թուրքիան: «Նույնիսկ եթե Ադրբեջանի իշխանությունները 15 տարվա ընթացքում ռազմատենչ հայտարարություններ էին անում, միևնույն է, պատերազմ սկսելու որոշումը կայացվել է Թուրքիայի լիակատար աջակցության պայմաններում»,- հավաստիացրել է Փաշինյանը: