Խնդրում ենք սպասել...
Այսօր`  երեքշաբթի, 20 հոկտեմբերի, 2020 թ.

Իրադարձություններ

TikTok-ի գրասենյակը դիմել է ՀՀ Մարդու իրավունքների պաշտպանին

23:00, հինգշաբթի, 01 հոկտեմբերի, 2020 թ.
TikTok-ի գրասենյակը դիմել է ՀՀ Մարդու իրավունքների պաշտպանին

Հայաստանի առցանց տարածքում TikTok սոցիալական տեսադարանի աշխատանքն արգելափակելուց հետո ՀՀ մարդու իրավունքների պաշտպանին են զանգահարել ընկերության գրասենյակից։
     «Մեզ զանգահարել և խնդրել են մեր մոնիթորինգի արդյունքները, որպեսզի իրենք հասկանան, թե այդ ատելությունը որտեղից է տարածվում և հասկանան, թե դա ինչ է»,– ասաց ՀՀ ՄԻՊ Արման Թաթոյանը։

Պաշտպանը հայտնեց, որ իրենք պատրաստակամություն են հայտնել տրամադրելու մոնիթորինգի արդյունքները։ Առիթից օգտվելով՝ ՄԻՊ գրասենյակն իր մտահոգությունն է հայտնել կայքում վերահսկողության ցածր մակարդակի վերաբերյալ։

«Մենք արձանագրել էինք բռնության կոչերով ու բռնության ագրեսիվ տեսարաններով, այդ թվում՝ սպանություններով հրապարակումներ սոցիալական ցանցերում` Facebook, Tweeter և ամենաագրեսիվն այս իմաստով TikTok-ն էր»,– նշեց Թաթոյանը։

Ավելի վաղ հայտնի էր դարձե, որ TikTok–ում տարածվող հակահայկական քարոզչության ու բռնության կոչերի հետևանքով ՀՀ իշխանությունը հոկտեմբերի 1–ից արգելափակել է TikTok–ի հասանելիությունը հայաստանյան համացանցի տիրույթում։

| | |
4730 | 0
Facebook