Համացանց

Ռազմագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Էրդողանը մաքրում է Թուրքիան ազդեցիկ քրդերից։

Վեց տարի տեղի ունեցած բողոքի ցույցերի կապակցությամբ թուրքական իշխանությունը քրդամետ «Ժողովրդադեմոկրատական կուսակցության» 82 անդամի կալանավորման որոշում է կայացրել։ Նրանց մեջ են ինչպես գործող քաղաքապետեր և օրենսդիրներ, այնպես էլ նախկին քաղաքապետեր և օրենսդիրներ։ Կալանավորման որոշում է տրվել նաև Կարսի քաղաքապետ Այհան Բիլգենի համար։

Անկարայի դատախազությունը չի մանրամասնել 82 անձի կողմից ենթադրյալ կատարած հանցագործությունների մասին մանրամասներ, բայց պնդում է, որ բողոքի ցույցերի ընթացքում կատարված հանցագործությունները ներառում էին սպանություն, սպանության փորձ, գողություն, գույք վնասել, թալանել, Թուրքիայի դրոշ այրել և 326 անվտանգության աշխատակիցների վիրավորում»: