ԱՄՆ նախագահ Դոնալդ Թրամփի վարչակազմի քաղաքականությունն աշխարհը տանում է դեպի ռազմավարական քաոս։ Այս մասին հայտարարել Է ԽՍՀՄ առաջին նախագահ Միխայիլ Գորբաչովը։
«Թրամփի վարչակազմը, որը հանդես է գալիս միջուկային զինաթափման բոլոր շրջանակների վերացման օգտին, աշխարհը տանում է դեպի ռազմավարական քաոս և անորոշ ապագա»,- ասել Է Գորբաչովը (մեջբերումը՝ ՏԱՍՍ-ից):
Նրա խոսքով՝ այժմ աշխարհում զարգանում են ռազմական տեխնոլոգիաները, ստեղծվում է նոր զենք։ Ուստի անհրաժեշտ է ջանքեր գործադրել միջուկային զինաթափումը միջազգային օրակարգում ամրագրելու համար:
Գորբաչովը նաև հավելել է, որ ռազմական հակամարտության եզրին հավասարակշռող մրցակցությունը և քաղաքականությունը պետք է տեղը զիջեն տնտեսական և հումանիտար ոլորտներում համագործակցությանը: